საქართველოსა და სერბეთს შორის უვიზო მიმოსვლის რეჟიმი, უახლოეს დღეებში, შესაბამისი სარატიფიკაციო პროცედურების დასრულებამდე ამოქმედდება. აღნიშნული გადაწყვეტილების თაობაზე სერბეთის საგარეო საქმეთა მინისტრმა ქართველ კოლეგასთან შეხვედრის დასრულების შემდგომ გამართულ პრესკონფერენციაზე განაცხადა. მისი თქმით, მთავრობა შესაბამის განკარგულებას უახლოეს სხდომაზე გამოსცემს


საგარეო საქმეთა სამინისტროს ინფორმაციით, საქართველოსა და სერბეთს შორის ორდინალური პასპორტების მქონე პირთათვის უვიზო მიმოსვლის შესახებ შეთანხმება ბელგრადში საქართველოს საგარეო საქმეთა მინისტრის ვიზიტის დროს გაფორმდა. შეთანხმებას ხელი მიხეილ ჯანელიძემ და მისმა სერბმა კოლეგამ ივიცა დაჩიჩმა მოაწერეს. როგორც მინისტრებმა აღნიშნეს, ეს არის ორი ქვეყნის ურთიერთობაში უმნიშვნელოვანესი გადაწყვეტილება, რაც ხელს შეუწყობს საქართველოსა და სერბეთს შორის ეკონომიკური, კულტურული და ხალხთაშორისი კონტაქტების გააქტიურებას.

ჩვენ ხელი მოვაწერეთ უვიზო მიმოსვლის შესახებ შეთანხმებას, სერბეთის მთავრობა გამონაკლისის სახით მიიღებს შესაბამის გადაწყვეტილებას და საქართველოს მოქალაქეებს, საპარლამენტო პროცედურების დასრულებამდე ექნებათ საშუალება უვიზოდ იმოგზაურონ სერბეთში, როგორც ეს თავის დროზე სერბეთის მოქალაქეებისთვის საქართველომ გააკეთა“, - აღნიშნა ივიცა დაჩიჩმა.

241730a78e03cd04e1f5a65b8fcd9922.jpg

მინისტრებმა ასევე გაახმოვანეს გადაწყვეტილება თბილისსა და ბელგრადში დიპლომატიური წარმომადგენლის დანიშვნის თაობაზე, რაც სრულფასოვანი დიპლომატიური წარმომადგენლობის გახსნამდე მოემსახურება ორმხრივი ურთიერთობების გაღრმავებას

შეხვედრაზე კიდევ ერთხელ დადასტურდა სერბეთისა და საქართველოს ტრადიციული მეგობრული ურთიერობები. სერბეთის საგარეო საქმეთა მინისტრმა ხაზი გაუსვა სერბეთის მხრიდან საქართველოს სუვერენიტეტისა და ტერიტორიული მთლიანობის მტკიცე მხარდაჭერას. თავის მხრივ საქართველოს საგარეო საქმეთა მინისტრმა მადლობა გადაუხადა სერბეთს მტკიცე პოზიციისთვის და კიდევ ერთხელ დაადასტურა სერბეთის ტერიტორული მთლიანობისა და სუვერენიტეტის მიმართ საქართველოს მტკიცე პოზიცია, როგორც მიხეილ ჯანელიძემ აღნიშნა, მნიშვნელოვანია, რომ ორივე ქვეყანამ გააგრძელოს ურთიერთობები, მათთვის ფუნდამენტური პრინციპების გათვალისწინებით.

ჩვენ გვაქვს ძალიან მტკიცე პოზიცია სქართველოს სუვერენიტეტისა და ტერიტორიული მთლიანობის მხარდაჭერის მიმართ. მინდა ასევე სერბი ხალხის სახელით მადლობა გადავუხადო საქართველოს სერბეთის სუვერენიტეტისა და ტერიტორიული მთლიანობის მხარდაჭერისთვის, მათ შორის სხვადასხვა საერთაშორისო ორგანიზაციებში“, - განაცხადა სერბეთის საგარეო უწყების ხელმძღვანელმა.

მინისტრებმა მიმოიხილეს ორმხრივი ურთიერობების განვითარების პერსპექტივები, ამ მხრივ დადებითად შეფასდა სექტორული თანამშრომლობა, მათ შორის მხარეები მიესალმნენ სერბეთსა და საქართველოს შორის ვაჭრობის განვითარების შესახებ ჩარჩო შეთანხმების გაფორმებას, რაც ხელს შეუწყობს ეკონომიკური კავშირების გაღრმავებას. ხაზი გაესვა წარმატებული გამოცდილების გაზიარების კუთხით ორი ქვეყნის იუსტიციისა და შინაგან საქმეთა სამინისტროებს შორის თანამშრომლობას. სერბეთის მხარემ გამოხატა დაინტერესება გაიზიაროს საქართველოს წარმატებული ეკონომიკური რეფორმები.

eree.jpg


საქართველოს საგარეო საქმეთა მინისტრმა მიულოცა სერბეთს ევროკავშირში ინტეგრაციის გზაზე არსებული წარმატება და აღნიშნა, რომ ევროპული გზა და ევროკავშირის წევრობა, როგორც ორივე ქვეყნის ხალხის მტკიცე არჩევანი უაღრესად მნიშვნელოვანია და ორივე ქვეყანა გააგრძელებს აქტიურ თანამშრომლობას ამ მიმართულებით.

ჩვენ მხარს ვუჭერთ სერბეთის სუვერენიტეტს და ტერიტორიულ მთლიანობას და გვაქვს პრინციპული პოზიცია ამ საკითხზე, ასევე ვაფასებთ სერბეთის პრინციპულ პოზიციას საქართველოს სუვერენიტეტსა და ტერიტორიული მთლიანობის მიმართ. ეს არის კრიტიკულად აუცილებელი, რომ გავაგრძელოთ თანამშრომლობა ორივე ქვეყნისთვის მნიშვნელოვანი პრინციპებისა და საერთაშორისო პოზიციების დაცვით. მოხარული ვართ სერბეთის წარმატებით ევროინტეგრაციის გზაზე. ჩვენ მზად ვართ გავიზიაროთ წარმატებული გამოცდილება. დარწმუნებული ვარ ევროპული მომავალი და ევროკავშირის წევრობა, რაც არის ჩვენი ხალხის ურყევი ნება, მნიშვნელოვანია და გავაგრძელებთ ამ მიმართულებით თანამშრომლობას“, - აღნიშნა მიხეილ ჯანელიძემ.

მინისტრებმა ხაზი გაუსვეს ორმხრივი ურთიერთობების განვითარებაში მაღალი დონის ვიზიტებისა და შეხვედრების მნიშვნელობას

assss5s6as.png

შეგახსენებთ რომ 2017 წლის 8 მარტს ევროკავშირის ოფიციალურ ჟურნალში გამოქვეყნდა ევროკავშირის საბჭოს რეგულაციის ცვლილება, რომლის თანახმად, საქართველომ ევროკავშირთან უვიზო მიმოსვლის რეჟიმის მქონე ქვეყნების სიაში გადაინაცვლაშესაბამისად, 2017 წლის 28 მარტიდან საქართველოს მოქალაქეები, რომლებიც ფლობენ ბიომეტრიულ პასპორტს, შეძლებენ ვიზის გარეშე ევროკავშირის/შენგენის წევრ ქვეყნებში გამგზავრებას.

ასევე ცნობილი იყო რომ უვიზო რეჟიმში მხოლოდ ევრო კავშირის წვევრი ქვეყნები იგულისხმებოდა, ესენი გახლავთ: ავსტრია, ბელგია, გერმანია, დანია, ესპანეთი, ესტონეთი, იტალია, ლატვია, ლიტვა, ლუქსემბურგი, მალტა, ნიდერლანდები, პოლონეთი, პორტუგალია, საბერძნეთი, საფრანგეთი, სლოვენია, სლოვაკეთი, უნგრეთი, ფინეთი, შვედეთი, ჩეხეთი. და ახლა უვე სერბეთი.